Sogndal Storband
Sogndal Storband med gjester vitjar Korall i Balestrand!
Sogndal Storband vitjar Noregs største storbandfestival på Lillestrøm i oktober, og vil presentera reportoir frå festivalen på Korall med noko attåt.
Gitaristen Henrik Hovland er ekte sogndøl. Han har vore musikalsk leiar i Sogndal storband frå januar 2024. Han gjekk storbandskulen i bandet og var gitarist i perioden 2012-2015, før han byrja på musikkutdanning. Først gjekk han på Toneheim, så på institutt for rytmisk musikk på Universitetet i Agder. På den utøvande fronten har Hovland brei erfaring frå det rytmiske landskapet, særleg innanfor groovebasert pop og country.
Vokalisten Lena Skjerdal er gjest på jazzklubben. Ho har sunge med Sogndal storband med jamne mellomrom sidan «ørten-hundre-og-steinkaldt» og finn garantert tonen med eit supermotivert orkester.
Henrik, Lena og Sogndal storband gjev «ståpels-garanti» på sin konsert på Korall!
Dørene åpnar kl 18
Konsertstart kl 19
To sett på 45 min med pause i midten